ឯកឧត្តម ញ៉ែម សំអឿន អភិបាលខេត្តរតនគិរី ផ្តើមអង្គកឋិនទានវេរប្រគេនព្រះសង្ឃគង់នៅវត្តសោភ័ណ្ឌរតនារាម (នៅវត្តបីស្រុក)

ថ្លែងក្នុងពិធីសំណេះសំណាលជាមួយពុទ្ធបរិស័ទ្ធចំណុះជើងវត្ត ឯកឧត្តម ញ៉ែម សំអឿន បានគូសបញ្ជាក់ថា ដោយយោងលើសភាពការណ៍កូវីដ-១៩ បាននាំឲ្យយើងរៀនរស់នៅក្នុងបរិបទថ្មី ជាក់ស្តែងកម្មវិធីកឋិនទាននាឱកាសនេះត្រូវរៀបចំតាមគន្លងប្រក្រតីភាពថ្មី។

ឯកឧត្តមក៏បានគូសបញ្ជាក់អំពីយុទ្ធនាការចាក់វ៉ាក់សាំងការពារជំងឺកូវីដ-១៩ ក្រោមការដឹកនាំដ៏ខ្ពង់ខ្ពស់របស់សម្តេចតេជោ នាយរដ្ឋមន្ត្រី ធ្វើឲ្យអត្រាចាក់វ៉ាក់សាំងនៅកម្ពុជាទទួលបានលទ្ធផលល្អប្រសើរធ្វើឲ្យអត្រាឆ្លងមានការថយចុះជាបន្តបន្ទាប់។

សូមបញ្ជាក់ផងដែរថា អង្គកឋិនទាននេះប្រមូលបានបច្ច័យសរុបប្រមាណជាង ១០ លានរៀល ដើម្បីតម្កល់ទុកកសាងសមិទ្ធផលនានានៅក្នុងទីអារាមនេះ៕