រថយន្តមួយគ្រឿងបានបែកកង់មុខក្រឡាប់ជាច្រើនត្រឡប់ចូលក្នុងទឹកព្រែក ស្លាប់មនុស្សប្រុសស្រីក្មេងចាស់ចំនួន៧នាក់

ខេត្តកំពត÷មនុស្សប្រុសស្រីក្មេងចាស់ចំនួន៧នាក់ បានបាត់បង់ជីវិតភ្លាមៗ នៅនឹងកន្លែងកើតហេតុបន្ទាប់ពីរថយន្តមួយគ្រឿងបានបែកកង់មុខក្រឡាប់ជាច្រើនត្រឡប់ចូលក្នុងទឹកព្រែក មួយកន្លែង ។

ហេតុការណ៍គ្រោះថ្នាក់ចរាចរណ៍នេះ កើតឡើងនៅវេលាម៉ោង០២:៤០នាទីរសៀល នាថ្ងៃទី០២ ខែវិច្ឆិកា ឆ្នាំ២០២១ នៅតាមបណ្តោយផ្លូវជាតិលេខ៤១ ស្ថិតក្នុងភូមិល្អាង ឃុំល្អាង ស្រុកដងទង់ ខេត្តកំពត ។

បើតាមប្រភពពីប្រជាពលរដ្ឋ ដែលឃើញហេតុការណ៍ បានឲ្យដឹងថា នៅមុនពេលកើតហេតុ គេឃើញរថយន្តមួយគ្រឿងម៉ាក Camary ពណ៌ឆ្លូញ ពាក់ស្លាក់លេខ តាកែវ 2A-1452 ធ្វើដំណេីរតាមបណ្តោយផ្លូវជាតិលេខ៤១ ក្នុងទិញដៅពីកើតទៅលិច ស្រាប់តែមកដល់កន្លែងកើតហេតុក៏បានបែកកង់មុខ រេចង្កូតទៅខាងឆ្វេងដៃ ប្រហែល១០០មែត្រ ក៏ក្រឡាប់ជាច្រើនត្រឡប់ រួចធ្លាក់ចូលទឹកប្រឡាយតែម្តង ដោយបណ្តាលអោយតៃកុងឡាននិងអ្នករួមដំណើរសរុប០៧នាក់ស្លា.បភ្លាមៗនៅកន្លែងកើតហេតុតែម្តង។

ក្រោយកើតហេតុកម្លាំងជំនាញចរាចរណ៍ស្រុកដងទង់ បានកំណត់អត្តសញ្ញាណ និងប្រគល់សពអោយទៅក្រុមគ្រួសារ ដើម្បីយកទៅធ្វើបុណ្យតាមប្រពៃណីយ ៕