កាប់អតីតប្រពន្ធចំនួន៤ពូថៅ រងរបួសធ្ងន់ ខណៈព្យាយាមរត់គេចខ្លួន តែគេចមិនរួច

ខេត្តសៀមរាប÷ ស្រ្តីម្នាក់ ត្រូវបានអតីតស្វាមី ប្រើអំពើហិង្សា ដោយកាប់ចំនួន៤ពូថៅ ចំក្បាលនិងថ្ងាស បណ្តាលឲ្យរងរបួសធ្ងន់ ត្រូវបានដឹកបញ្ជូនទៅកាន់សង្គ្រោះបន្ទាន់នៅឯមន្ទីរពេទ្យភ្លាមៗ។

ហេតុការណ៍នេះ បានកើតឡើង នៅវេលាម៉ោង ៨និង៣០នាទីព្រឹក ថ្ងៃអាទិត្យ ទី៥ ខែមិថុនា ឆ្នាំ២០២២ ស្ថិតនៅក្នុងភូមិខ្នារ សង្កាត់ជ្រាវ ក្រុងសៀមរាប ខេត្តសៀមរាប។

បុរសជនសង្ស័យ(ជាអតីតស្វាមី)មានឈ្មោះ ទូច សុខា ភេទប្រុស អាយុ៦៣ឆ្នាំ រស់នៅក្នុងភូមិដូរតន្រ្តី ឃុំកំពង់ថ្កូវ ស្រុកក្រឡាញ់ ខេត្តសៀមរាប។
ចំណែកឯស្រ្តីរងគ្រោះមានឈ្មោះ លី ហឿន ភេទស្រី អាយុ៦៩ឆ្នាំ មានទីលំនៅក្នុងភូមិ-ឃុំ កើតហេតុខាងលើ៕